Persónuverndarstefna

Hvaða upplýsingar eru unnar?

WRO® Ísland safnar fyrst og fremst upplýsingum um fullorðna þjálfara, tengiliði skóla eða stofnana og aðra fullorðna umsjónaraðila.

• Nafn þjálfara eða tengiliðar
• Netfang og símanúmer
• Nafn skóla, stofnunar eða liðs
• Upplýsingar um fjölda liða, keppnisflokka og aldurshópa
• Upplýsingar tengdar búnaðarpöntunum, skráningu eða skipulagi móts

Upplýsingar um nemendur

Almennt er ekki óskað eftir persónugreinanlegum upplýsingum um nemendur á vefnum. Til að raða liðum í rétta aldurshópa getur þó þurft að vinna með upplýsingar um fæðingarár eða aldurshóp.

Ef lið kemst áfram á alþjóðlegt mót getur þurft að safna frekari upplýsingum um nemendur og þjálfara vegna skráningar, ferðalaga eða annarra hagnýtra atriða.

Tilgangur vinnslunnar

Persónuupplýsingar eru aðeins notaðar í tengslum við skipulag, framkvæmd og eftirfylgni WRO® á Íslandi.

• Skráning liða í landskeppni
• Samskipti við þjálfara og skóla
• Skipulag dagskrár, aðstöðu og keppnisflokka
• Búnaðarpantanir og tengd umsýsla
• Upplýsingar um fresti, reglur og undirbúning
• Skráning liða sem komast áfram á alþjóðleg mót

Myndir og myndbönd

Á landskeppni WRO® Íslands geta skipuleggjendur, fjölmiðlar eða aðrir gestir tekið ljósmyndir og myndbönd af keppninni, liðum, gestum og verkefnum.

Slíkt myndefni getur verið notað til að kynna WRO® Ísland, STEAM-menntun og vélmennastarf í prentuðu efni, á vef, samfélagsmiðlum eða í fréttum.

Miðlun upplýsinga

Upplýsingar eru ekki seldar eða afhentar óviðkomandi aðilum. Í tengslum við alþjóðleg mót getur þó þurft að miðla nauðsynlegum upplýsingum til WRO® skipuleggjenda erlendis eða annarra aðila sem sjá um viðkomandi mót.

Varðveisla upplýsinga

Upplýsingar eru varðveittar eins lengi og nauðsynlegt er vegna skipulags, framkvæmdar, skráningar, uppgjörs eða eftirfylgni viðkomandi WRO® tímabils.